مساء الخير يآجميلآت هالمدونه بتكون عن الروتين الأسبوعي لليدين ...
اهم شي حركة القلفز ههههههههههه سسوو لها سكيب نرجع للموضوع بس حبيت اخليها تغير جوكم شوي ..
طبعا كلنا نحلم بيدين بيضاء وصافيه بدون سواد او آثار نفس كذا
ماراح اكذب عليكم واقول بتصير يدينكم نفس يدينها وأعيشكم بأوهام لا لأن كل وحده منا لها صبغة ميلانين تختلف عن الثانيه لاكن اللي بقوله راح تكون يدينك صافيه ويظهر لونك الأساسي ..
هالروتين استخدمه مرتين بالأسبوع ..
اول شي ابداء فيه اسوي سكراب ليديني بسكراب القهوه اللي عطيتكم طريقته بأنستقرام
احط شوي من Bio Oil واخذ شوي من السكراب واخلطهم جميع بعدين ازين يديني واركز على المفاصل اهم شي و أغسله انتبهوا لاتجرحون يدينكم ..
الخطوة الثانية استخدم السكراب للجلد الي حوالين الأظافر
اخليه دقيقتين واغسله ..
بعد ما اغسل يديني استخدم سيروم فيتامين سي من the body shop هذا الفيتامين كنت شاريته لوجهي لاكن تحسس منه وقررت استخدمه ليديني واستفيد منه احطه على الجلد الي حوالين الأظافر سعره 84 ريال ..
الحين جاء دور اليد كامله احط عليها لوشن فيتامين سي وتقدرون تحطون اي كريم ترتاحون له بس بشرط يكون مافيه عطر ممكن تستخدمون كريم QV والبس قلفز لمدة ربع ساعه ..
طبعآ أنا استخدم القلفز الي بأول صوره وبعد ربع ساعه اشيله ليه اسوي كذا لأن يدينا تحتاج ترطيب والترطيب هذا عميق عشآن كذا لازم ازيل الجلد الميت بآلسكراب وارطب ..
الحين نجي لحبيب الشعب واللي اعتقد إنه مافيه بيت يخلو منه الا وهو
الفازلين إيه نعم الفازلين تحطونه على الأظافر والجلد الي حوالينه قبل النوم
وبعدين تحطون فوقه اي كريم ترتاحون له او تقدرون تحطون نفس الفازلين على كامل اليد وتنامون واذا قمتوا
اغسلوا يدينكم وحطو كريم مرطب بس مايكون فيه نسبة عطر ..
نصيحه: الفازلين لا تحطونه وتطلعون للشمس غلط لانه يسمر ..
طبعا السكراب والطريقه الي فوق تكون مرتين فقط بالأسبوع ، والفازلين قبل النوم والترطيب يوميا ..
اذا حبيتوا الموضوع سوو لآيك على الإنستقرام ومنشنوا احد محتاج هآلروتين ولآ تنسون إن اللايكات والمنشن يدعموني ويحفزوني اني استمر ..
my_1blog
جميل 👏👏👏👏
ردحذف