Derma Roller..

صباح \ مساء الخير جميعاً .. 

بسولف لكم شوي عن الديرما رولر واللي انتشرت بشكل واسع هالفتره ..

بعض الاشخاص يسألون وشو يعني ديرما رولر وإيش فآيدتها ؟

الديرما رولر هي عبارة عن تقنية جديده لعلاج مشاكل البشره من آثار ، شحوب لون الوجه ، التجاعيد ، الحفر الي تكون بالوجه ، الجروح ، التشققات وغيرها ..

الديرما رولر هي يد ولها عجله والعجله فيها إبر دقيقة جداً وكل آداة لها مقاس حسب مشكلة البشره ..

فكرة عملها !!

تعمل على التجريح البسيط واللي ينشط الدورة الدموية و يحسن من انتاج الكولاجين ..

طبعا انا استخدم مقاس 0.05mm للوجه اول استخدام حسيت بشوية ألم وثاني استخدام اقل شوي وبعد كذا تعودت وبديت ما احس بالألم بدايتي كنت استخدمها بالأسبوع مره وبعدين صرت بالأسبوع مرتين انا استخدمها لنضارة الوجه  ..

وعندي مقاس 2mm واللي للان متخوفه منه ولا استخدمتها و لا حتى شريت البنج بتصبر حتى اشتري البنج الموضعي واجربها إن شاء الله اخذتها للتشققات ..

طريقة استخدامها ..؟

اول شي تحطين الديرما رولر بمعقم لمدة ١٥ دقيقة استخدم بيتادين 

بالوقت الي تكونين حاطتها بالبيتادين احرصي تكونين نظفتي وجهك زين بالغسول الي يناسب بشرتك وجففتيها 

اذا خلصتي وطلعتيها من البيتادين اغسليها بمويه وحطي محلول معقم قوي انا صراحه ما احط لاني احس إن البيتادين يكفي ابدا بخطوط عموديه بكل مكان امررها 10 مرات مع ضغط خفيف واذا انتهيت من كل الوجه اعيد مره ثانيه لاكن بخطوط افقيه 10 مرات واذا انتهيت ارجع احط الديرما رولر بالبيتادين لاكن جديد ما احطه بنفس الي قبل لاا خطاء واغسل وجهي بمويه بارده واجففه واحط سيروم فيتامينات ..

السيروم هذا الي وصفته لي الدكتوره لاكن تقدرون تحطون السيروم الي ترتاحون له ..

. . .

طبعا ً الأداة هذي أُثبتت فاعليتها على كثير من الأشخاص والحين بخليكم مع بعض صور الي استخدموا الديرما رولر وتحسنت بشراتهم ...

برضو تقدرون تبحثون عن نتائج الديرما رولر وتشوفون ..

او تكتبون Derma Roller Results..

وإن شاء الله يكون هالموضوع عجبكم ..

my_1blog