Top 10

واليوم بيكون يوم مفضلاتي الـ١٠ لهذا الشهر تابعوا تحت ..

حاولت انوع فيهم عشان تستفيدون على وجه العموم ، ..

اول مفضلاتي لهذا الشهر سلة الترتيب تحطون فيها اغراضكم خفيفه و ماتاخذ مكان ، اخذتها من محل للكماليات ب ٢٥ ريال حطيت فيها الشامبوات واللوشنات والسكرابس ..

٢ـ تونر للبشره الحساسه من DermoViva بالبابونج والخزامى والخيار مهدئ للبشره وينظف وينعم ، ينظف البشره بشكل ماتتصورون حبيت اخذته من الصيدليه تقريبا بـ ١٠ ريال ..

٣-كريم Lipobase للترطيب العميق ينعم البشره ويعطيها نضاره ما اذكر كم سعره صراحه تلاقونه بالصيدليات يشبه لكريم QV لاكن بسعر اقل ، حلو للجفاف الشديد ..

٤-عطري المفضل من فكتوريا سيكرت ما اقدر اوصف لكم ريحته بس جميل جدا عموما الأذواق دائما تختلف بالعطور ممكن يعجبكم وممكن لا جربوا تروحون وتشمون ريحته اسمه Noir Tease..

٥- ماسك الشعر من Garnier Fructis المقوي مكون من ٣ زيوت ، زيت الزيتون و زيت الأفوكادو و الشيا للشعر الجاف والخشن ، انا الحمدالله شعري ناعم ولاكن استخدمه عشان الصبغه مجففه شعري يعطي لمعان وحيويه للشعر حبيته بس تحطونه لمدة دقيقه وتغسلونه ..

٦- ارواجي المفضله من Lime Crime 

Pansy and Red Velvet ..

٧- بيضة توني مولي القابضه للمسام حبيتها تنظف المسام وتصغره ، طبعا ينحط على المناطق الي فيها مسام بس تخلونه من ١٠-١٥ دقيقه واذا نشف تغسلونه وتحطون ماء ورد ..

٨- صابون اليدين من bath and body works ينعم اليدين وفيه حبيبات سكراب وريحته تجنن مره جميل وحبيته كان عليه تخفيض اخذته ب ٢٠ ريال بس ..

٩- شامبو للشعر يخفف النفشه وريحته عطريه وثابته حبيته و حبيت البلسم حقه لاكن خلص ولا لقيته مره ثانيه اخذته من بوتس ما اذكر كم سعره عايشه معه حالة عشق هالفتره فكيت الغطاء حقه لأنه يعكس كل شي ..

١٠- واخر شي بالقائمه الروائح العطريه للغرف من bath and body works طبعاً على الكهرب بعضهم اخذتهم تخفيض وبعضهم لا اساميهم صراحه ما اذكر و مو مكتوب عليهم جميلين وروائحهم مميزه ..

.......................................

وبكذا اكون خلصت مفضلاتي لهذا الشهر لاتنسون اللآيك والمنشن يدعموني ورأيكم يهمني قبل كل شي اذا حبيتوا اكتبوا لي تعليق باللي عجبكم ..

 my_1blog